Hassafon har fått ny adresse Den nye adressa frå og med skuleåret 2006/2007 er hassafon.nvg.org/nn/index.php/Emneside:Jødedom — og alt innhaldet er på veg til å bli flytt over dit. Vi takkar alle elevar, lærarar og andre interesserte for all trafikk og for hyggjelege og/eller konstruktive tilbakemeldingar på den gamle nettstaden. Samtidig vil vi ønskje alle velkommen til den nye, forbetra utgåva av Hassafon. Det følgjande er ein kort presentasjon av den nye nettstaden: Kva seier du når du ser nordlyset? Kva er pesaḥ eller jødisk påske? Hassafon er ein nettressurs for jødisk religion og kultur. Det primære kulturelle og språklege rammeverket er tradisjonell sefardisk kultur frå Nordvest-Europa, men asjkenazisk kultur (særleg i sine skandinaviske utgåver) og jiddisch blir òg inkludert — og det langsiktige målet er å utvikle ein mest muleg komplett ressurs for dei variantane av jødedommen som har historie i Skandinavia og nærområda. Det religiøst-politiske rammeverket er tradisjonell rabbinsk jødedom, inkludert tradisjonell-egalitær jødedom. Sjølv om dette tyder at utgangspunktet her ligg i området kring moderne-ortodoks og masorti jødedom, så legg vi vekt på at alle ståstader innanfor jødisk religion skal vera fordomsfritt og rettferdig representerte — frå progressiv jødedom til ḥaredisk jødedom, frå jødisk fornying til karaittisk jødedom og samaritansk religion. I nokon grad blir òg dei religionane og livssyna som ligg nærmast opp til jødedommen behandla; dette gjeld særleg dei nærskylde monoteistiske religionane sikhisme, bahá’í og islām. Nettstaden starta opphavleg som ei lenkjesamling under namnet «Skrivarstuå Judaica» sist i 1990-åra. Sidan den tid har innhaldet vorte lagt gradvis over til sjølvstendige artiklar, og med lanseringa av wikiversjonen den 20. januar 2006 har Hassafon sett seg som mål å vera eit fullverdig og sjølvstendig jødisk oppslagsverk i utvida leksikonformat.

Parašàt haššabúaŋ Vekeavsnitta av Bibelen 5766 | 2006 5. august: Vá’etḥannán 12. august: ŋÉkeb 19. august: Re’é 26. august: Šófetím 2. september: Tēṣé 9. september: Tabó 16. september: Niṣṣabím | Vajjélekh 5767 | 2006 30. september: Há’azínu 15. oktober: Vezót habberakhá 21. oktober: Berēšít Ahuva Judaica Nettbutikk driven av det svært trivelege ekteparet Chana og Joshua, har eit godt utval av kippót, tallētót for både kvinner og menn, tefillín, sjoferót, ḥanukkijjót og mykje anna. Mechon Mamre Mechon Mamre er ei gruppe témaním (jemenittiske jødar) som lever etter Maimonides’ (haRambams) Misjné Torá og som oppmuntrar andre jødar til å gjera det same. På nettstaden deira finn du svært pålitelege nettutgåver av Tenákh (den jødiske Bibelen) på hebraisk, arameisk og engelsk; Talmúd/Toseftá; og Misjné Torá. Outreach Judaism Outreach Judaism vart grunnlagt 1987 av Rabbi Tovia Singer og driv opplysningsarbeid som ei motvekt til israelsmisjon, «messiansk jødedom» og andre grupper som har som spesifikt mål å konvertere jødar til kristendommen. Kulanu Kulanu er ei gruppe som har som mål å finne tapte og spreidde restar etter jødiske vandringar og å hjelpe dei som ønskjer det å vende tilbake til det jødiske folket.

Haṣṣafón >

• Tenákh: Les vekeavsnitta av Toráen (Mosebøkene) og profetane. Foreløpig er Første Mosebok og Andre Mosebok lagt ut, i tillegg til deler av Femte Mosebok.
  Nytt i februar er at melodien for resitasjon av mosebøkene etter vesteuropéisk sefardisk tradisjon er lagt ut her Inneheld òg lenkjer til gode nettutgåver av Tenákh (den jødiske Bibelen) og Talmúd.
• Talmúd: Her er det langsiktige målet å leggje ut heile Misjná i norsk omsetjing, og dessutan i det minste utdrag av Talmúd Jerúsjalmí og Talmúd Bablí. Så langt ligg heile Berakhót og nokre kapittel av Ḥallá utlagt. Her finst òg lenkjer til gode nettutgåver av Talmúd frå Mechon Mamre.
• Skrifter: Les om sentrale jødiske skrifter som Misjné Torá. Her kan du òg lesa jødiske sagn — så langt er det lagt ut nokre sagn frå mellomalderen i Tyskland i utdrag frå bokverket דיא מעשה בוך (Di maŋase buch).
• Symbol: Lær om tallét (bønnesjal), tefillín (bønnereimer), luláb (palmegrein til bruk under sukkót (lauvhyttefesten)) og andre jødiske rituelle objekt og symbol.
• Synagoge: Lær kva ein synagoge er og kva skilnaden på sefardiske og asjkenaziske synagogar er.
• Helg: Lær om sjabbát (sabbaten), om dei tre valfartsfestane (pesaḥ (jødisk påske), sjabungót (vekefesten, jødisk pinse) og sukkót (lauvhyttefesten med sjeminí ngaṣéret og simḥàt Torá), om dei høge helgedagane (jamím noraím: seliḥót, rosj hasjaná, 10 jemé tesjubá, kippúr), fastedagen tisj’ngá beáb og om halvhelgedagane ḥanukka (jødisk «jul») og purím (jødisk «karneval»).
• Livssyklus: Lær om overgangsrita i jødedommen — inkludert fødsel (namngjeving, berit mila, zebed habbat, pidjon habben), konfirmasjon (bar miṣva, bat miṣva, bat ḥajil); ekteskap (ketubba, ḥuppa, kiddusjin, nisuin, tahorat hammisjpaḥa, get), sjukdom (mí sjebberakh, rogativa, birkat gomel), dødsfall og sorg (levaja (gravlegging), sjibnga (sørgjeveke), naḥala = jahrzeit (årsdag), hasjkabá (minnebønn))
• Mat: Lær om kasjrut (matføreskrifter), mattradisjonar og oppskrifter (nokre få er utlagde, fleire kjem), og i tillegg om berakhot (velsigningar) som blir sagde føre og etter maten. Birkat hammazon i nordeuropéisk sefardisk utgåve er no ferdig utlagt med original hebraisk, full translitterasjon i det latinske alfabetet og norsk omsetjing.
• Musikk: Lær om mellomalderens musikksyn, ladino og jiddisch musikk, klezmer-musikk og mykje anna.
• Språk: Lær om dei jødiske språka hebraisk, arameisk, jødisk-arabisk, djudíospanjol, ladino, jiddisch — med fleire...
• Retning: Les om dei ulike etniske (t.d. sefardisk, asjkenazisk, jemenittisk) og religiøse (t.d. tradisjonell, ortodoks, konservativ, reform, rekonstruksjonistisk) inndelingane av jødisk religion og kultur.

Show unity, help direct those wanting to learn about Sephardic subjects find our sites easier, and help build a community of International Sephardic webpages. We invite you to our shared community.  This Sephardic Web Ring site is owned by Hassafon. [ Go to Next Site] [ Go to a Random Site] [ List Previous 5 Sites] [ List Next 5 Sites] [ List All Sites] JOIN this ring?

Skrivarstuå ©2000–2005 Olve Utne
Oppdatert 2. oktober 2005 - 28. elúl 5765
 
Det har vore besøk på Hassafon sidan teljaren vart installert den 25. juni 2004.